Die reise van PM

[Piet Magriet]

Ag ou sustertjie,  ek hoop jy voel gou beter.  Kom sit maar hom se koppie hier op my skouer en huil lekker dan voel jy beter.  Dit is nou een ding van die onderwys, 'n mens kan nie sommer net tuis bly nie, maar as dit nodit is dan moet jy.  Liewers gou beter word!

Hier is vir jou 'n bossie blommetjies en 'n blokkie tjoklits,  dit sal help vir die "gelukkig-kry-gevoel".   

[Piet Magriet]

Gawie, kan jy vir PM kom vertel hoe dit met jou gaan?  Ek wil regtig weet omdat ek vir 'n geruime tyd niks van jou gehoor het nie.

[Gaweline]

PM, Gawie het haarself amper verloor.  Die internetprobleem is opgelos, maar toe crash die laptoppie helemal en moet na die einsteinhospitaal toe gaan. Hulle moes hom heel oordoen en in die proses het ek al my e-posadresse verloor.  Stuur asb. tog  vir my julle e-posadresse weer.

Intussen is my ma geopereer en moes ek daar bontstaan en dis matriekafskeid en ek is st. 9 ma.  Ons begin oefen vir die groot konsert en ek werk aan die program vir die prysuitdeling.  My kinders skryf toetse en taalbondeksamens.  Ousus het 11e geëindig onder die top 20 Noordkaapse leerders in die Afrikaanse Olimpiade.  Ek moes koek bak vir die koekverkopings en opstelle help oordoen omdat die juffrou nie tevrede is nie.

Ek het 3 Jirsietjies vir die Australiese kleintjies gebrei, want hopelik die naweek die vliegtuig sal klim.  Het 'n R150 boete gekry vir 'n wiper wat nie werk nie en ek is besig om plaasbabas oor te skryf. Gaan sommer by 'n plaaslike drukkery laat druk vir die prysuitdeling.

Ek het my hygstorie begin vertaal in Engels en het nog net die slothoofstuk om te doen.  Al bogenoemde dinge binne die laaste drie weke.

Ek weet nie hoe dit met my gaan nie.  Sal jou kom vertel as ek uitgevind het.

[Piet Magriet]

Goeiste, en ek sit hier met 'n erge aanval van selfbejammering omdat ek so "hard" moet werk!  Jy is 'n ou doring Gawie en ek ken jou mos so! 
Ons twee groot- en twee kleinkinders kuier hier uit Dubai en ons gaan nou nou ry om goed aan te koop vir die binnetuin.  Henk en Jo is uitstekende kunstenaars en ek kan nie wag om te sien waarmee hulle vorendag gaan kom nie. 

Onthou jy nog van September se vakansie?  Julle sal nie die woonstel ken nie.  Dit is nou uitgeverf met nuwe gordyne en dit lyk te "smart"!  Die agterste vertrek sal aan die beurt kom as die sitkamer en familiekamer eers uitgesorteer is.  Maandag begin 'n kontrakteur met die dak se herstel, waterpype bo-gronds aan te lê, die staalwerk, buitemure en plaveisel te verf.  Julle sal nie weer in 'n "nes" hoef te bly nie.   

Ek is dankbaar om te hoor dit gaan so goed met jou.  Dink net as jy heeldag siek in die bed moes bly!     Ook dankbaar dat jy weer kan saam kuier.

[Gaweline]

PM, jy beter sneppies stuur van daai tuin. EK is nou so nuuskierig, dis net nie snaaks nie.  Ons kom wel September vir die saamtrek, maar ek wag nog met die vra vir langer kuier.  Maak eers die hartjie sag sien. hehehehe

Geniet jou kinders by jou.  Ek gun jou dit

[Lorraine]

Grote genugtig - ek raak moeg net by die aanskoue van julle bedrywighede! Tsk + maak julle nie meer tyd vir ñ glasie rooies nie?

[Piet Magriet]

Dankie Gawie, soos jy kan sien moet ek vroeg uit die vere om "bond te staan".   
Sal sneppies stuur hoor.

Dag Miss Piggy,  nei, ons slat hom nog daai bottel!  Ek laat mos nou nie inbraak maak op my drinktyd nie! 

Jy kom ook mos nog vir September nie waar nie?