'n Nederlandse raai-raai

[Jan se Basjan]

Hello mense,

Hierdie is my eerste bydrae aan die forum (het nou-net eers geregistreer):

My ma het vir my 'n rympie/kopkrapper vanmiddag gegee. Ek neem aan dit is oorspronklik Nederlands, so verskoon maar my spelling:

"Raai raai riepa (rieppa?). Geel is die piepa, wit is die stad waarin die piepa sat."

'Piepa' weet ek beteken 'vader' of 'pappa', en 'sat' neem ek aan beteken 'sit'.

Ek sal graag, eerstens, wil weet wat die antwoord of oplossing vir die raaisel is en, tweedens, of dit 'n ou kinderrympie is (of altans, enige geskiedkundige inligting m.b.t. dit). Rympies, gesegdes en idiome het die mees interessante oorspronge.

Ek het nie my ma gevra waar sy dit gehoor het nie (dit kon dalk 567Capetalk gewees het; sy luister dit getrou), dus, kan dit net so wel iets wees wat iemand gister self opgemaak het...

Enige idees en/of kommentaar sal baie waardeer word.

Tot later dan,

Jan se Basjan

[werelde weg]

sjoe jan se bas ek is nou vir eers gebol
maar welkom hier op die forum 

ek probeer nou eers die piepa ding uitfigure... 

[Piet Magriet]

Welkom Jan.

Die rympie klink so in Afrikaans.

Raai raai riepa,
Geel is die piepa,
Groen is die doedelsak
Waar die piepa aan hang. 

Weet julle nou wat dit is?  Hasies is baie lief daarvoor. 

[Frikkie Hubbelse]

Jan jou rympie is reg. Dit is 'n eier.
Piet Magriet s'n is 'n wortel

Daar is nog 'n paar soos bv.
Raai raai riepas
Swart is die piepas
rooi is die kuip
waar die piepas wegkruip.

(Waatlemoen)

[Frikkie Hubbelse]

Skiestog Jan. Welkom en dankie vir 'n goeie, sinvolle eerste bydrae.

[Jan se Basjan]

Baie dankie julle!

Ek gaan my ma omboul met my uit-die-bloute-insig. Haha! Grap net; gaan haar definitief voorstel aan die forum (hoekom het ek nie al laaankal aangesluit nie? tsk tsk)

Dankie weereens. Julle skop gat! (soos die engelsman wens hy kon sê)

Jan se Basjan O.B.A. Jan B