Ek is besig om bietjie deur kinderrympies te lees en ook kinderstories, vir die doel om 'n parodie te skryf en hopenlik nog 'n pantomime en as my muse nice is sommer 'n lekker lang lawwe gedig ook.
En so tussen my gelees deur vind ek skokkend verskuilde wreedhede wat deur die skrywer geimpliseer kan word. Die wreedheid en ander skokkende bevindinge wat ek raaksien, kan wees omdat ons as volwassenes die onskuld van menswees (kindwees) verloor het met die jare saam. Daarom word alles met skeptisisme en sinisme waargeneem en geinterpreteer, dinge wat sekerlik tog onskuldig is?

Net twee voorbeelde: Ek het die ander dag Sneeuwitjie en die Sewe Dwergies gelees. Nou, die hele verhaal wemel van kwaad, wraak, poging tot moord (2keer) en vir my kan Sneeuwitjie se verblyf met 7 dwergies moontlik verwys na 'n loslewe na sy uitgeskop word en dan !!
Sneeuwitjie sterf(?) en wat gebeur... die Prins kom verby galop en daar gaan word hy verlief op die dooie Sneeuwitjie en die eerste gedagte wat by my opkom toe die Prins wil weet by die Dwergies of hy haar na sy kasteel toe kan neem...
NECROPHILIA!! Die siek seun! Vir wat sal mens nou 'n lyk na jou huis toe wil vat tensy jy een of ander siek daad met die lyk wil uitvoer, of haar wil eet natuurlik (KANABALISME).

Anyway,soos ek sê, as volwassenes het ons baie meer kennis van al die sleg en vreemd van die lewe.

Nou draai ek my denke na 'n rympie (glo my, ek het nog nie eers deur die helfte van al die rympies gekom nie).
Hierdie een was vir my snaaks, dit skreeu ADULTERY en ek wonder of dit net ek is wat 'n 'warped mind' het?

"Little Tommy Tittlemouse
Lived in a little house
He caught fishes
In other men's dishes"

Oraait, ek weet ek ruk dalk als uit proporsie uit, maar my mission gaan voort en sal ek updates lewer soos ek nog interessanthede ontdek, en hopelik by die finale produk eindig.

Ek spring op my windperd en wonder hoekom so baie moord en verraad die kern van elke fairytale is.

(gedagte vir die dag:
If you want to run with the wilddogs, you can't piss like a puppy)